Ky muaj përfaaqëson një gur të rëndësishëm kilometrik në luftën kundër ngrohjes globale-dhe jo vetëm për shkak të konferencësn gjigande të klimës në Glasgoë. Një sërë vendesh kanë paraqitur objektiva ambicjozë për reduktimin e emetimeve, ndonëse vënia e tyre në jetë mund të kërkojë kohë. Sakaq, qeveritë në Europë përballen me një krizë shumë të ngutshme, atë energjetike që vjen në formën e rritjes së cmimeve të gazit dhe naftës, shkruan ProjectSyndikate. Situata e fundit me cmimet ishte rasti klasik i një ngjarjeje të paralajmëruar të ndodhë. Vite të tëra cmimesh të uleta, të kombinuara me presionin rregullator mbi bankat për të reduktuar ekspozimin e tyre ndaj industrive ndotëse, natyrisht që i kanë ulur investimet te lëndët djegëse fosile. Një rikthim i forte dhe më i shpejtë nga sa pritej i pandemisë bashkë me ftohjen e motit ndikuan në rritjen e cmimit të karburanteve fosile, një fenomen që mund të konsiderohej ideal për tranzicionin e gjelbër. Problemi, vazhdon shkrimi, është se konsumatorët janë mësuar me cmimet të ulëta, dhe tani,përpara kësaj situate po ngrenë duart lart. Varfëria e energjisë, sic përshkruhet aty është kthyer në problem në mbarë Europën: numri i njerëzve që pohojnë se nuk kanë mundësi t`i ngrohin sic duhet shtëpitë e tyre e tyre është i lartë në shumë vende të bllokut europian, duke nisur nga Bullgaria 30,1%, Lituania 26.7%, Qipro 21%, Portugalia 18,9%, Greqia 17.9% dhe Italia 11.1%. Rritja e cmimeve, sipas eksperteve, pritet të ketë pasoja të ndjeshme socio-ekonomike.