Edlira Çepani i ka kushtuar një dedikim prekës bashkëshortit të saj të ndjerë, ish-deputetit të PD Gert Bogdani, i cili u nda nga jeta papritur në moshën 44-vjeçare. Këtë 18 korrik ata do të festonin 15 vite martesë, martesë e cila u bekua me dy fëmijë. “Rrugëtimi ynë ka pasur kaq shumë bekime, lumturi, sakrifica e kaq shumë dashuri si ato që rrallë gjenden në rruzull. Rrugëtimi ynë nisi me ne të dy dhe u kurorëzua me Ajrën dhe Reinartin, si frytet e çdo gjëje të bukur që kishim krijuar bashkë! Kemi ecur gjithmonë bashkë për dore, mes vështirësish, dhimbjesh, lumturish dhe suksesesh… Sot s’të kemi dot në krahun tonë fizikisht, por rrugëtimi ynë do të vazhdojë përjetë, sepse dashuria që krijuam nuk njeh kufij mes botëve. Ti do të jesh gjithmonë drita në rrugën tonë, Gerti Bogdani! Gëzuar përvjetorin e 15 viteve martesë, do të të duam gjithë jetën, zemra jonë!’ shkruan Cepani në Facebook. Gert Bogdani, i cili u nda papritur nga jeta pak kohë më parë në moshën 44-vjeçare, ka lënë pas një boshllëk të madh në familjen e tij, por edhe në jetën publike dhe politike shqiptare. Ai ishte një figurë e njohur dhe e respektuar, jo vetëm për kontributin e tij në politikë, por edhe për vlerat familjare që mishëronte.