Në vendin tonë vazhdojnë të jenë aktivive disa vtra zjarri, duke filluar që veriu I vendit e deri në zonën e Myzeqës. Situata më problematike duket se paraqitet në qarkun e durrësit. Qarku i Durrësit po përballet me disa vatra zjarri. Prej 24 orësh vazhdon zjarri në kodrat e Lalëzit. Burimet logjistike dhe njerëzore të të 3 stacioneve zjarrfikëse që ka qarku së bashku me stacionin e Autoritetit Portual, janë në terren në operacionet për fikjen e zjarreve. Situata në Gjirin e Lalzit paraqitet problematike, pasi terreni është i vështirë dhe favorizohet edhe nga era. Në Lalëz të Ishmit zjarri sic TCh raportoi dhe një ditë më parë ka rënë në zonën kodrinore ku ka pisha dhe shkurre, po nuk ka banesa përreth. Për shuarjen e zjarrit janë angazhuar 7 zjarrfikëse. Në fshatin Shetaj të Ishmit është riaktivizuar vatra dhe po punohet me një zjarrfikëse aktualisht. Edhe në Manëz, pranë kampit të muxhahedinëve ka një tjetër vatër dhe po punohet me një zjarrfikëse. Në Durrës një tjetër zjarr ka rënë në lagjen 18 të qytetit, pranë Kryqit të Kuq.