Ilirjan Celibashi u thirr per here te dyte brenda javes per te raportuar per voten e emigranteve. Mbledhjes me dyer te mbyllura i dha drite vete KQZ, e cila publikoi manualin se si parashikon te identifikoje emigranten qe do te deshirojne te votojne pa pasur nevojë te vijnë fizikisht ne Shqiperi. KQZ merr përsipër ndërtimin e një sistemi online i cili do të jetë i aksesueshëm nëpërmjet një aplikacioni te dedikuar që mund te shkarkohet edhe nepermjet smartphone-ve Verifikimi fillestar propozohet që të jetë skanimi i letërnjoftimit, ku fotografia në dokumentin zyrtar, do të krahasohet me fytyrën e personit që kërkon të regjistrohet si votues nëpërmjet aplikacionit “face ID”. Identifikimi është hapi i parë për mundësimin e votimit nga jashtë. E dyta është forma se si do të shprehin vullnetin. Ilirjan Celibashi propozoi që edhe në këtë rast të përdoret teknologjia si bazë ku fleta e votimi do të mund të gjenerohet nëpërmjet portalit të KQZ-së. Më pas bëhet votimi dhe lihet e hapur mundësia që fleta të dërgohet përmes dy mënyrave ne KQZ: elektronikisht apo me postë.