Petrit Paloka 40 vjec është dhunuar rëndë mbrëmjen e së martës në aksin rrugor Lezhë–Rrilë. Paloka, ka qenë duke udhëtuar drejt fshatit Rrilë në momentin e ngjarjes. Sipas burimeve, një automjet tip Audi, me ngjyrë të zezë, i ka prerë rrugën dhe autorët kanë ushtruar dhunë me sende të forta ndaj tij, duke e lënë të shtrirë në mes të rrugës. Fillimisht, i plagosuri është transportuar në urgjencën e spitalit të Lezhës, ku ka marrë ndihmën e parë mjekësore. Për shkak të gjendjes së rënduar, ai është dërguar më pas drejt Spitalit të Traumës në Tiranë për trajtim të specializuar. Ngjarja ka ndodhur në kushte errësire dhe Paloka nuk ka mundur të identifikojë autorët, pasi dyshohet se ata kanë qenë të maskuar. Policia ka marrë kamerat e sigurise te disa bizneseve në zonë për të bërë të mundur identifikimin e autorëve si dhe po punon për zbardhjen e plotë të motivit dhe rrethanave të ngjarjes.