Dardan Krivaqa, i dyshuari për vrasjen e 18 vjecares Marigona Osmani në Ferizaj njihej si njeri problematic nga ana që kishin pasur të bënin me të. Një nga shokët e tij të shkollës tregoi për mediat vendase, se që kur ishin në klasë të 6, Dardani i kishte kërcënuar me thikë për t`u vjedhur telefonët celularë. “Atij ia kishim frikën të gjithë”, ka thënë 25 vjecari. Tani mësohet se Krivaqa dyshohej për 11 raste grabitjeje, 93 raste vjedhjeje të rëndë, 1 rast dhunimi, pesë lëndime trupore. Edhe pse i dyshuar për më shumë se njëqind vepra penale, ai ishte jashtë hekurave dhe prej më shumë se 2 muajsh bashkëjetonte me vajzën së cilës i mori jetën në 22 gusht. Mësohet tani se Krivaqa kishte ushtruar dhunë edhe ndaj të një të dashure në vitin 2017. Pas dhunës sistematike ndaj saj, ai kishte sulmuar një familjar të saj për shkak se kishte tentuar ta mbronte. Për atë rast, ndaj tij ishte celur një hetim për “lëndim të lehtë trupor”. Ndërkohë, në 2020, Krivaqa thuhet se i ka vendosur thikën një fyt një efektivi të policisë, e për këtë u dënua me 180 ditë burg, duke i llogaritur këtu dhe kohën e kaluar në paraburgim.