Dhjetë të rinj janë arrestuar pas një sheri masiv mes tifozëve rivalë të futbollit në Meksikë, në një ndeshjeje ku 26 njerëz mbetën të plagosur në fundjavë. Prokurorët kanë ngritur ndaj të arrestuarve akuza per tentativë vrasjeje e dhunë në evente sportive, për ngjarjen që shkaktoi anullimin e të gjitha ndeshjeve të mbetura të fundjavës në meksikë. Përleshja kishte nisur në pjesën e dytë të ndeshjes së të shtunës mes skuadrave Kueretaro dhe Atlas, në kategorinë e parë. Disa nga tifozët duke përfshirë familjarë dhe fëmijë, ishin përpjekur të shpëtonin nga dhuna. Nga 26 të lënduarit që u dërguan në spital, 19 kanë dalë tashmë. Dhuna kishte nisur kur tifozët e Queretaro zbritën në fushë dhe sulmuan pjesën e stadiumit ku qëndronin tifozët rivalë. Përfaqësues nga të dyja skuadrat do të takohen publikisht për të ndërgjegjësuar tifozët të ndalin dhunën.