Një 14 vjeçar u vra me thikë nga bashkëmoshatari i tij pas një konflikti që sipas policisë ka ndodhur për motive banale. Ngjarja e rëndë ka ndodhur në fshatin Pirg të bashkisë së Maliqit teksa dy të miturit janë takuar për t’u sqaruar në ambientet e një lokali. Viktima E.Xh 14 vjeç nga fshati Zvirinë dhe autori E.G nga fshati Lemimot sipas të dhënave janë takuar në ambientet e jashtme të lokalit, i cili në momentin e ngjarjes ka qenë i mbyllur dhe janë konfliktuar mes tyre duke e degraduar sherrin në konfrontim fizik dhe autori ka goditur me thikë viktimën, i cili pavarësisht se është transportuar në spital nuk ka mundur të mbijetojë. Sipas policisë i dëmtuar por jo me mjet të mprehtë ka qenë edhe autori i ngjarjes, i cili pasi ka marrë ndihmën mjekësore në spital është shoqëruar në komisariat për t’u marrë në pyetje.