Ish-kryeministri i Maqedonisë së Veriut, Nikolla Gruevski u dënua me 7 vite burg në mungesë nga Gjykata Penale e Shkupit, për rastin “Parcelat në Vodno”. Ai akuzohet se ka përvetësuar 1.3 milionë euro nga partia që drejtonte, duke i përdorur paratë për të blerë tokë. ky është dënimi i tretë për Gruevskin, ku i shtohet edhe një gjobë prej 3200 euro, por nuk dihet nëse ish-kryeministri do t’i vuajë dënimet për shkak se ndodhet në Hungari që prej vitit 2018. Nikola Gruevski u arratis për të shmangur vuajtjen e dënimit me dy vjet burg në një gjyq të dytë dhe menjëherë iu dha azil politik në Budapest. Përvec gruevskit, të akuzuar janë edhe , ish-shefi i policisë sekrete Sasho Mijallkov dhe Jordan Kamçev . Mijallkov u dënua me 1 vit e 3 muaj, duke llogaritur dhe kohën e kaluar në paraburgim ndërsa Kamcev u dënua me 1 vit burg. Gjykimi ka zgjatur nëntë muaj dhe gjykata ka vendosur që të konfiskohet pasuria e krijuar nga vepra penale. Prokuroria akuzoi Gruevskin në rastin “Parcelat në Vodno” se ka marrë 1.3 milionë euro nga donacionet e VMRO DPMNE dhe më pas ka blerë prona në Shkup dhe Krushevë. Nga tetori 2012 deri në shtator 2013, me paratë që Gruevski përvetësoi nga VMRO DPMNE, është blerë toka ndërtimore në Vodno, ndërsa Kamçevi, sipas Prokurorisë, është angazhuar në rishitjen e parcelave në Vodno. Gjatë gjykimit u zbulua se Gruevski e ka këmbyer atë tokë me tre apartamente luksoze në kompleksin “Panorama” në Vodno si dhe janë zbuluar edhe dy apartamente e një tjetër tokë në Vodno dhe dy parcela në Krushevë. Pamjet: AFP