Një juri në SHBA ka shpallur sot fajtor avokatin Alex Murdaugh për vrasjen e gruas së tij dhe të të birit, në çështjen që ka tronditur vendin. 54 vjeçari, pinjoll i një familjeje të njohur gjykatësish nga Karolina e Jugut, përshkruhej se kishte vrarë gruan Maggie dhe të birin Paul me pushkë, teksa gjuanin për derra në pronat e gjera të familjes. Murdaugh nuk tregoi asnjë emocion kur u dha verdikti i fajësisë për ngjarjen e qershorit 2021, që besohet se kreu pasi mësoi se varësia e tij nga drogat dhe përvetësimet nga grupi i avokatisë do të bëheshin publike. Armët e krimit nuk janë gjetur kurrë por provat tregonin se ai ishte në skenën e ngjarjes pak para vrasjeve. Prokurori tha se Murdaugh përballet me një minimum vjetësh burgim 30 per secilën nga vrasjet "Ne nuk mund t’i rikthejmë ata por mund të bëjmë drejtësi, Vendimi i sotëm provon se cilido që të jesh, askush nuk është mbi ligjin" tha prokurori Alan Wilson. Familja e të akuzuarit komandon thuajse prej shekujsh drejtësinë ne qytezën rurale, por tani e gjen veten në anën tjetër të sistemit. Ai shpërtheu disa herë në lot gjatë dy javëve të dëshmive ku Ai mohonte se kishte vrarë gruan 52 vjeçare Maggie, dhe djalin Paul, 22 vjeç. Ai pranonte se kishte vjedhur nga kompania ku punonte dhe se kishte gënjyer për varësinë nga drogat, një zakon për të cilin prokurori tha se i kushtonte rreth $50,000 në javë.