Agjencitë amerikane të zbulimit mbeten të ndara në lidhje me origjinën e koronavirusit, por besojnë se udhëheqësit e Kinës nuk dinin për virusin para fillimit të pandemisë globale. Sipas katër prej agjencive, virusi fillimisht u transmetua nga një kafshë te një njeri. Një agjenci e pestë e inteligjencës ka besim të moderuar se infeksioni i parë njerëzor kishte ndodhur në një laborator. Analistët nuk besojnë se virusi është zhvilluar si një armë biologjike dhe shumica e agjencive besojnë se virusi nuk ishte i ndërtuar gjenetikisht. Zyra e Drejtorit të Inteligjencës Kombëtare tha në një deklaratë të premten se Kina vazhdon të pengojë hetimin global, i reziston ndarjes së informacionit dhe fajëson vendet e tjera, përfshirë Shtetet e Bashkuara. Për të arritur një përfundim në lidhje me atë që shkaktoi virusin kërkohet bashkëpunimi i Kinës, thuhet në deklaratën e kësaj zyre. Pamjet: AFP