Një stuhi vetë-rigjeneruese: Kështu e përshkruajne metereologët italianë bombën e motit që u përplas mbi disa pjesë të fqinjit tonë përtej Adriatikut, duke shkaktuar viktima e të zhdukur. Intensiteti dhe shkalla e asaj që specialistët e kanë pagëzuar “Stuhia V”, është e jashtëzakonshme, me një impakt vërtet të vështirë për t`u parashikuar. Padyshim, mendon njëri prej tyre, Giulio Betti, kriza klimatike e amplifikon të gjithë këtë situatë. Betti, i cili mbikqyr nga afër fenomenet metereologjike ne rajonet qendore të Italisë, rrëfeu se kishte mbetur dhe vete tejet i befasuar nga fuqia me të cilën kjo stuhi goditi zonat ne fjale, dicka qe nuk e parë herë të tjera. “Një stuhi e tillë ka dy karakteristika: ajo përqëndrohet pak a shumë në të njëjtën zonë dhe auto-rigjenerohet, duke qenë se ushqehet vazhdimisht nga një fluks lagështire me efekt zinxhir-mendojeni në formën e vagoneve të një treni, të ushqyera nga ajri i ftohtë; një rreth vicioz që nuk merr fund derisa të dobësohet fluksi që e ushqen”, shpjegon ai. Problemi sipas metereologut është shumë i madh kur një stuhi e tillë nuk lëviz, por qendron në të njëjtën zonë sic ndodhi me Marchet. Atëherë po, fillojnë telashe të mëdha, shprehet ai. Pamjet nga sateliti tregojnë se stuhia ka formën e V-së, ndaj dhe ka marrë këtë emër, dhe sisteme te tilla, kur mbeten gjatë në një vend, bëhen mjaft të rrezikshme.