Top Channel/ Brukseli i alarmuar, diskuton të enjten dhe të premten për situatën në Kosovë
28/06/2023 21:44

Procesi i integrimit të vendeve të Ballkanit Perëndimor në Bashkimin Evropian, situata e sigurisë në Kosovë dhe procesi i normalizimit të marrëdhënieve Kosovë-Serbi do të jenë ndër temat që do t’i diskutojnë udhëheqësit e vendeve anëtare të BE-së në një takim gjatë kësaj të enjteje dhe të premten në Bruksel. Burimet thonë se pritet të shprehet shqetësimi për tensionet e rritura në veri të Kosovës. Në këtë zonë të banuar me shumicë serbe, banorët lokalë protestojnë qysh në fund të majit kundër kryetarëve shqiptarë të komunave. Tensionet kanë kulmuar edhe në përleshje të dhunshme midis protestuesve serbë dhe ushtarëve të misionit të NATO-s, KFOR. Kosova dhe Serbia kanë fajësuar njëra-tjetrën për situatën e krijuar. Burimet diplomatike presin që udhëheqësit evropianë t’u bëjnë thirrje dy vendeve që t’i ulin menjëherë tensionet dhe t’i kthehen dialogut për normalizimin e marrëdhënieve. Në rast se nuk dëshmojnë vullnet për sjellje të matur dhe konstruktive, pritet t’u tërhiqet vërejtja për pasojat. Radio Evropa e Lirë ka pasur qasje edhe në draftin e një dokumenti që pritet të miratohet në takimin e liderëve të BE-së. Sipas tij, Këshilli Evropian pritet të kërkojë masa të shpejta për uljen e tensioneve dhe për zbatimin e Marrëveshjes së Ohrit, e cila ka për qëllim normalizimin e marrëdhënieve Kosovë-Serbi. Për zbatimin e kësaj marrëveshjeje, dy vendet janë pajtuar gojarisht në muajin mars. “Këshilli Evropian i dënon incidentet e fundit në veri të Kosovës dhe bën thirrje për shtensionimin e menjëhershëm të situatës, në bazë të elementeve kyçe që tashmë janë shfaqur nga Bashkimi Evropian, më 3 qershor 2023”, thuhet në draft-dokument. Në takimin e BE-së, më 29 dhe 30 qershor, pritet të përsëritet edhe përkushtimi i liderëve të vendeve anëtare për vazhdimin e procesit të zgjerimit, që nënkupton edhe anëtarësimin e vendeve të Ballkanit Perëndimor në BE.

Top Channel/ Greqia në gjendje të jashtëzakonshme, evakuime masive nga zjarret
13/08 23:09
Top News – Mali i Zi në flakë, rrezikohen njerëzit / Pret ndihmë nga Bosnja, Austria e Hungaria
13/08 14:47
Top News- Plan sekret për vëzhgim në qytete/ Serbia zgjeron fshehurazi sistemin me pajisje të Kinës
13/08 11:22
Top News- Bllokohen emigrantët shqiptarë / Situatë dramatike në disa zona të Greqisë
13/08 10:24
Top News- Zjarre masive në Gramsh dhe Delvinë/ Rreth 200 banorë të evakuar, situata alarmante
13/08 10:23
Top Channel/ Zjarret, 1 viktimë në Mal të Zi! Dhjetëra vatra aktive në Kosovë e RMV
12/08 19:36
Top News- Aleanca në fushën e mbrojtjes/ Kosova, Shqipëria, Kroacia blerje të përbashkët të armëve
11/08 13:54
Top News- I dënuar me 14 vite për vrasje/ Arratiset serbi nga burgu i Mitrovicës
08/08 10:09
Top News- Fati i dialogut me Serbinë / Sorensen në Prishtinë, takime me Osmanin e Kurtin
06/08 15:14
Top News- Pas dënimit, ikën nga parlamenti/ Bosnja i heq ‘me ceremoni’ mandatin e Dodik
06/08 14:39
Top News – Turizmi i tepërt. Ishujt grekë propozojnë tarifë për vizitorët ditorë
06/08 14:03
Top News – Fyerjet ndaj shqiptarëve në Kumanovë/ Arrestohet një person, shoqërohen disa të tjerë
06/08 09:59
Top News – ‘Jo leksione nga ata që vrasin fëmijë ’. Haris Dukas përplaset me ambasadorin izraelit
05/08 15:15
Top News -’Luftë’ e përhershme me Turqinë / Greqia sjell Centauros, sistemin e testuar anti-dron
05/08 14:31
Top News- Popoviç pranon fajësinë/ Publikohet akuza- Përhapës I urrejtjes etnike
05/08 14:17
Top News- Serbia arreston emigrantin kosovar/ E akuzon për krime lufte dhe pjesëtar të UÇK-së
05/08 12:44
Top News – Thirrjet antishqiptare gjatë ndeshjes/ Presidentja e RMV: Jemi të turpëruar
05/08 11:16
Top News- Greqia njeh zyrtarisht bektashinjtë/ Ligji i ri garanton autonomi të plotë
05/08 09:54
Top Channel/ Thirrje antishqiptare në ndeshjen e basketbollit, Mickoski: Do t’i hetojmë, s’i pashë
04/08 17:52
Top News- Kosova e Serbia larg bisedimeve/ BE u tërheq veshin- Integrimi kalon përmes dialogut
04/08 15:14