57 vendet e botës islame I kanë kërkuar OKB-së një rezolutë detyruese për t’I dhënë fund, sipas tyre, “agresionit” të Izraelit në Gaza. Në një deklaratë të përbashkët pas mbylljes së samitit të Jashtëzakonshëm që organizoi Arabia Saudite, udhëheqësit e këtyre shteteve hodhën poshtë pretendimet e izraelit kundër miliatantëve të Hamasit. Sipas tyre, shteti hebre po përdor vetëmbrojtjen si justifikim për operacionin ushtarak dhe bombvardimin ndaj Gazës. 57 liderët -përfshirë këtë Bashar al-Assad të Sirisë dhe Ebrahim Raisi të Iranit – u mbledhën në Riad këtë të shtunë ku diskutuan sulmin e Izraelit në Gaza. Në fjalën e hapjes, princi saudit i kurorës, Mohammed Bin Salman bëri thirrje për ndërprerje të menjëhershme të operacioneve ushtarake në këtë territory, si edhe për lirimin e të gjithë robërve dhe të burgosurve. Pamjet: AFP