Zëvendëskryeministri në detyrë i Kosovës, Besnik Bislimi, i cili është njëherazi edhe kryengocjator për dialogun me Serbinë, nuk u kursye t`i shpehte hapur pakënaqësitë e tij me BE-në. Në një intervistë për DW, Bislimi theksoi se dialogu në Bruksel ka pasur dy objektiva kryesore: objektivi i parë është normalizimi i plotë i raporteve mes Kosovës dhe Serbisë dhe objektivi i dytë është mbështetja e palëve në zbatimin e marrëveshjeve paraprake.