Demokratët vijojnë edhe në institucionet europiane përpjekjen për të shpallur zgjedhjet e 11 Majit të pavlefshme. Kryedemokrati Sali Berisha tha se sot u dërguan video në Grupin parlamentar të PPE-së në Këshillin e Europës. “Pamjet e paraqitura në tempullin, në grupin parlamentar të Partisë Popullore, në Asamblenë Parlamentare të Këshillit të Europës, ishin shokuese për audiencën”. Por, për Sali Berishën, beteja për të shpallur zgjedhjet të pavlefshme do të kalojë edhe përtej oqeanit. “Këto prova do të çohen kudo. Në Kongres, në Senat, në parlamentet e vendeve anëtare, në institucionet ndërkombëtare. Normal është të shkohet me raportin përfundimtar”. Ndërkohë, Berisha videoi edhe sot me publikimin e videove, që sipas tij, dëshmojnë farsën e 11 Majit. “Krimineli elektoral me uniformë komisioneri e nxjerr prap votën. Nuk ndalet, prap votë. Komisineri kontrollon fletën e votimit, para se ai ta hedhë në kutinë e votimit. Një person merr 4 fletë votimi. E patë. Përsëri. Gjatë ditës komisionerët votojnë në emër të zgjedhësve”. Berisha tha se qytetarët shqiptarë duhet të ngrihen për të mbrojtur të drejtat e tyre themelore.