Përpara shqiptarëve të Parmës kryedemokrati Sali Berisha foli për një rikthim të fuqishëm. Bindjen e tij për fitore e mbështeti fillimisht tek dobësimi i kundërshtarëve. Ra Damasku, iku Asadi. Ra Tirana, do ikë Edi Rama. Do thyejë qafën Edi Rama. Sali Berisha kërkoi votën e diasporës për të sjellë sic tha një ndryshim epokal, e që do ta bënte me njerëzit e duhur. Të nesërmen e largimit tim nga Roma, para shqiptarëve u paraqita me kryestrategun, me kryemagjistarin, bashkëkryemagjistarin e fushatës elektorale të presidentit Donald Trump, Chris LaCivita. Shkallmoi Edi Rama, u tmerrua, e pa me sy humbjen, fatalitetin e tij. Dhe menjëherë, me mediat e tij, deklaroi se Chris LaCivita u ble nga Berisha. Ky ishte takimi i dytë i kryetarit të demokratëve me diasporën pas atij të Romës. Këto takime tha Berisha po firmosin shpëtimin e Shqipërisë.