Nga Vora, Sali Berisha udhëtoi në mbrëmje drejt Fierit, prej ku bëri premtime në dukje të parealizueshme. Në 100 ditët e para të qeverisjes, tha Berisha, do të zhdukë varfërinë ekstreme në vend. “Ne shpallim solemnisht se në Shqipëri në 100 ditët e para do ketë zero varfëri ekstreme. Mjerimin do e përjashtojmë nga Shqipëria. Rrogat minimale do të jenë brenda 3 muajve 500 euro”. I madh ishte premtimi i Berishës edhe për fermerët, nëse fiton zgjedhjet. “Sot ju merrni 32 milionë euro subvencione, do merrni mbi 200 milionë euro subvencion për çdo fidan, për çdo njësi prodhimi, për çdo kokë bagëti” Me thirrjen për të votuar Partinë Demokratike më 11 Maj, Berisha e mbylli me një paralajmërim për investitorët strategjikë. “Paralajmëroj të ashtuquajturit investitorë strategjikë, mos prekni asnjë metër katror pronë të qytetarëve shqiptarë se në mënyrë absolute do konfiskohet dhe do ndëshkoheni për korrupsion”.