130 ushtarë belgë u nisën me avionë nga aeroporti ushtarak i Brukselit drejt Rumanisë, si pjesë e forcës së NATOs. Kryeministri belg Alexander De Croo, tha se dërgimi i trupave në rumani synon të rrisë forcën mbrojtëse të natos. "Belgjika ose NATO nuk ka kërcënuar Rusinë, por nëse shikojmë një kërcënim veprojnë menjeherë për ta ndaluar”. “Ne sigurisht që nuk jemi dakord me atë që po ndodh në Ukrainë dhe nuk do të lejonim një sulm në territorin e NATO”, shtoi ai. Ministrja belge e mbrojtjes Ludivine Dedonder tha se kjo është hera e parë e aktivizimit të “Forcës së reagimit të NATO-s” "Ne po dërgojmë ushtarakë në kufijtë e NATOs, askush nuk e besonte, por tani ka një luftë në kontinentin evropian”, tha ajo. Një përfaqësues ushtarak belg tha se objektivi kryesor është "shfaqja e forcës”. “Do të vendosim prezencën në kufijtë e NATOs, ndërsa për detyrat dhe objektivat e përditshme, ato nuk janë caktuar ende”, tha përfaqësuesi.