Pas dhomës amerikane të trgtisë e cila shprehu shqetësime se përmes projektligjit për Paqen Fiskale rritet rreziku për legalizimin e pastrimit të parave, ka reaguar për Top News edhe delegacioni i BE në Tiranë që po ashtu përsëriti nevojën për të vendosur masa të forta për të luftuar pastrimin e parave. “Komisioni Evropian ka diskutuar propozimin e Paqes Fiskale me autoritetet shqiptare, përfshirë edhe në takimin e Nënkomitetit për Tregtinë, Industrinë, Doganat dhe Tatimet më 25-26 nëntor. Komisioni theksoi shqetësime serioze që lidhen me dekurajimin e pajtueshmërisë tatimore dhe përsëriti nevojën për vendosjen e masave mbrojtëse të forta kundër pastrimit të parave në propozim, ndërkohë që vazhdon të angazhohet në uljen e numrit të madh të përjashtimeve tatimore. Ne presim që këto shqetësime të adresohen.”