Gjykata e Fierit dha masat e sigurisë për arrestimet e pak ditëve më parë në kompaninë më të madhe naftënxjerrëse në vend “Bankers Petroleum Albania”. Në arrest me burg u la administratori aktual i kompanisë, Hongping Xiao, dhe ish-administratori Leonidha Çobo, për shmangie të tatimet dhe fshehje të ardhurash duke i shkaktuar miliona euro dëm buxhetit të shtetit. Dy financierë të tjerë u vendosën në arrest shtëpie, pesë punonjës janë lënë me detyrim paraqitje. Në kërkim janë shpallur edhe pesë persona të tjerë, shumica shtetas kinezë.