Athina është përfshirë nga një valë e fortë pluhuri afrikan. Fenomeni, i shkaktuar nga masa ajrore që vijnë nga shkretëtira e Saharasë, ka ulur ndjeshëm cilësinë e ajrit dhe dukshmërinë në kryeqytetin grek. Sipas autoriteteve meteorologjike në Greqi, rrymat e forta jugore transportuan sasi të mëdha grimcash pluhuri drejt rajonit të Atikës. Ekspertët paralajmërojnë se përqendrimet e larta të pluhurit mund të shkaktojnë probleme për personat me sëmundje të frymëmarrjes, të moshuarit dhe fëmijët. Autoritetet kanë këshilluar qytetarët të mbajnë dritaret mbyllur, të përdorin maska mbrojtëse nëse është e nevojshme dhe të kufizojnë daljet e panevojshme derisa fenomeni të zbutet. Pamje të Akropolit të mbuluar nga pluhuri janë gjerësisht në rrjetet sociale, ndërsa ekspertët theksojnë se fenomeni është i përkohshëm dhe pritet të zbutet me ndryshimin e erërave dhe reshje të mundshme shiu në ditët në vijim. Pluhuri afrikan është një fenomen i njohur për rajonin e Mesdheut, por episodet intensive si ky ndikojnë drejtpërdrejt në jetën e përditshme, transportin dhe shëndetin e qytetarëve.