Alti Nallbati, vëllai i deputetit të PD Bledjon Nallbati është arrestuar nga policia pas një sherri të ndodhur mbrëmjen e së shtunës me një shofer kamioni, ku u përfshi gjithashtu edhe deputeti Nallbati. Ngjarja ndodhi në rrethrrotullimin e Bilishtit dhe u kap nga kamerat e sigurisë në zonë. Nga pamjet filmike duket se teksa dy vëllezërit Nallbati janë duke lëvizur me një automjet, që drejtohet nga Alti Nallbati, ndalojnë duke i bllokuar rrugën një kamioni dhe pasi dalin nga makina mes tyre nis një konflikt verbal që më pas arrin në konfrontim fizik.