Ish-efektivi i Forcave RENEA, Altin Morina, u arrestua këtë të premte nga policia, pasi ishte shpallur në kërkim nga SPAK për kultivim të bimëve narkotike, kryer në kuadër të grupit të strukturuar kriminal. Në momentin e ndalimit, gjatë kontrollit fizik 45-vjeçarit iu gjet dhe sekuestrua edhe një armë zjarri pistoletë. Gjithashtu, gjatë aksionit uniformat blu arrestuan dhe drejtuesin e mjetit, me të cilin lëvizte ish-efektivi i RENEA-s, 25-vjeçari E. H., i cili akuzohet për “Përkrahje të autorit të krimit”.