Izraeli dhe Libani kanë pranuar një marrëveshje armëpushimi. Lajmin e ka konfirmuar presidenti i SHBA, Joe Biden. “Kam lajme të mira nga Lindja e Mesme. Kam folur me kryeministrat e Izraelit dhe të Libanit dhe qeveritë e tyre kanë pranuar propozimin e SHBA-së që t’i japin fund konfliktit. Falënderoj presidentin e Francës, Emmanuel Macron, që ndihmoi në arritjen e kësaj marrëveshje”, ka deklaruar presidenti i SHBA-së. Ai u shpreh se marrëveshja do të hyjë në fuqi në orën 04:00 të së mërkurës me orën lokale dhe luftimet ndërkufitare do të ndalen për 60 ditë. Biden nxitoi të saktësonte se s’do të lejohet që Hezbollahu të rigrupohet. “Të jemi të qartë, Izraeli nuk e nisi këtë luftë, as populli libanez nuk e kërkoi atë luftë, as Shtetet e Bashkuara”, ka thënë ai. Që nga fillimi i luftës, më shumë se 70,000 izraelitë janë detyruar të jetojnë si refugjatë. Biden është zotuar se do të punojë për të arritur marrëveshje armëpushimi edhe në Gaza. “Populli i Gazës e meriton një fund të luftimeve dhe vendosjeve. Njerëzit në Gaza kanë kaluar nëpër ferr dhe kanë vuajtur shumë”, shtoi presidenti Biden. Sipas tij “Rrugëdalja e vetme është të lirohen pengjet të marra në Izrael vitin e kaluar, dhe t’i kapin fund luftimeve, që do të lejonin hyrjen e ndihmës”.