Këto pamje tregojnë dëbimin e përjavshëm të shqiptarëve pa dokumenta nga Anglia për në Shqipëri me avionë charter paguar nga ministria e brendëshme Home Office. Krahas tyre gazeta Sunday Times të cilës i referohet Top Channel, i kushton një shkrim të gjatë shqiptarëve të cilët vullnetarisht kthehen dhe marrin nga qeveria angleze shumën e 1.200 stërlinave. Gazetari Richard Assheton ka udhëtuar drejt Kukësit dhe sjell historinë e kthimit vullnetar të 32 vjecarit Ardit Shehu. “ Ky shqiptarë azili të cilit u refuzua na deklaroi me një theks të rëndë londinez: “Bro, tani Anglia është e mbaruar.” Kështu nis artikulli Sunday Times. Kjo thuhet në artikull sepse Britania e Madhe dhe Shqipëria kanë bashkëpunuar në një skemë riatdhesimi të përshpejtuar që ka zbrapsur fluksin e mbërritjeve me gomone që në vitin 2022 arriti në gati 13.000 persona.