Ish-senatori republikan Jeffrey Flake, ndodhet prej një jave në Turqi për të zëvendësuar ish-ambasadorin David Satterfield, dhe të mërkurën prezantoi kredencialet tek presidenti Erdogan. Republikani i vjetër nga Arizona ka qenë një kritik i ish-presidentit Donald Trump dhe per këtë duket se është shpërblyer nga presidenti Joe Biden me postin aktual. Nominimi i Flake si përfaqësues i shba në Turqi u miratua nga Seranti në tetor dhe ai bëri betimin në dhjetor përpara zv. Presidentes Kamala Harris. “Jam i lumtur të jem këtu dhe ju falenderoj për pritjen elegante,” tha Flake për gazetarët kur mbërriti në turqi. Ndërkohë ish-ambasadori i Turqisë, Satterfield është emëruar si i dërguari i veçantë i SHBA në Bririn e Afrikës. Satterfield, një nga diplomatët më me eksperiencë i SHBA, shërbente në Ankara që prej gushtit të 2019.