Hysen Pici nga shijaku, mbrëmjen e së enjtes ka qenë duke lëvizur me një mjet Range Rover në lagjen nr 1 në Durrës kur një patrullë e forcave operacionale të veshur me jelekë policie dhe me makinë me fenelina I bënë shenjë për të ndaluar. Pici I cili në brez kishte një armë pa leje nuk iu bind urdhërit të policisë dhe I dha gaz makinës duke marë para punonjësit e policisë. Një prej tyre pësoi fraktura të rënda dhe ndodhet në spital. Policia u detyrua të qëllojë në ajër për të neutralizuar të dyshuarin I cili braktisi mjetin dhe vijoi lëvizjen në këmbë. Top Channel ka mundur të sigurojë pamje nga kamerat e sigurisë që kanë fiksuar arratisjen e tij nëpër lagje e cila zgjati vetëm pak minuta. Ai do të përballet me drejtësinë për kundërshtim të punonjësve të policisë, plagosjes së një prej tyre dhe armëmbajtjes pa leje.