Top Channel/ “Ai duhet të kalbet në burg”, babai i Ilarias prek me deklaratën: Vajza ime ishte…
07/04/2025 21:45

Babai i Ilaria Sulës kërkoi drejtësi në fund të varrimit të së bijës në Terni. “Ai duhet të kalbet në burg. Ne i thamë lamtumirën për herë të fundit vajzës sime Ilaria, e cila tani është lart në parajsë. Ajo nuk e meritonte këtë fund sepse ishte me të vërtetë një fëmijë i artë, një engjëll”, tha Flamur Sula. Kryetari i bashkisë Terni, tha se Ilaria “gjeti një djall në rrugën e saj, një njeri të padenjë për t’u quajtur burrë”. Babai i Ilarias shtoi më tej “Shpresojmë që drejtësia italiane të mos na japë fjalë të kota, si falje”. Në varrezat e Ternit, për lamtumirën e fundit të Ilaria-s, ishin më shumë se tre mijë njerëz. Një ngjarje tragjike ka tronditur të gjithë Italinë të mërkurën e javës së kaluar, kur Ilaria Sula, një studente 22-vjeçare me origjinë shqiptare, e cila ishte shpallur e humbur prej disa ditësh, u gjend e vdekur brenda një valixheje të hedhur në një zonë pyjore jashtë qytetit të Romës. Nga denoncimi i bërë nga shoqet me të cilat Ilaria ndante apartamentin ku jetonte në Romë, 22-vjeçarja u largua mbrëmjen e 25 marsit nga shtëpia pa i treguar askujt, një gjë që sipas dëshmive, e kishte bërë dhe herë të tjera. Pasi nuk morën më asnjë mesazh nga studentja shqiptare, mikeshat e saj denoncuan në polici, që menjëherë nisi kërkimet, teksa mëngjesin e së mërkurës gjetën trupin e Ilarias. Dyshimet e para çuan policinë te i dashuri i saj, Mark Antony Samson, një student 23-vjeçar me origjinë nga Filipinet. Pas marrjes në pyetje, ai pranoi krimin, duke thënë se Ilaria kishte shkuar në shtëpinë e tij pasi ishte larguar nga apartamenti ku qëndronte me shoqet. Ajo i kishte bërë me dije se donte t’i jepte fund lidhjes së tyre dhe në inat e sipër, ai e kishte goditur disa herë me thikë, duke i marrë jetën. Pas kësaj, ai kishte futur trupin e saj në valixhe dhe me makinën e tij ishte drejtuar për në zonën pyjore të Polit, jashtë Romës dhe aty e kishte hedhur. Zbulimi makabër u bë nga disa persona që frekuentojnë zonën pyjore të Polit, të cilët kanë lajmëruar policinë. Prindërit dhe shoqet, që nuk kishin arritur të kontaktonin dot me vajzën, e kishin denoncuar menjëherë rastin pranë organeve të rendit. Tabulatet dhe qelizat telefonike që tregojnë vendndodhjen e një personi kur bën një telefonatë, ishin në mesin e elementëve që zunë në kurth ish të dashurin e studentes. Përmes analizimit të tyre, hetuesit arritën të zbulonin se në ditët pas zhdukjes së vajzës, 23-vjeçari filipinas kishte vazhduar të përdorte telefonin e saj dhe bënte postime nga profilet e Ilarias në mediat sociale për të fshirë dyshimet.

Top Channel/ Vrasja e të rinjve, askush në pranga. Gjykata e Durrësit liron 4 shokët e autorit në Manëz
25/10 22:48
Top News- Akrepat zhvendosen 60 minuta mbrapa, nga nesër ndryshon ora
25/10 21:50
Top Channel/Mos kaloni nga Kakavija! Pika e kalimit 4 orë e bllokuar të hënën. Zbulohet arsyeja
25/10 21:34
Top News- Aksident i trefishtë tek kryqëzimi i Gjadrit, 5 të plagosur, mes tyre një fëmijë
25/10 21:08
Top Channel/ Aksident i trefishtë në Lezhë-Shkodër, plagosen pesë persona, mes tyre një fëmijë
25/10 20:23
Top Channel/ Mirëmbajtja e rrugëve, Balluku prezanton projektin e ri të ARRSH
25/10 19:47
Top News- Kujdes! Të hënën bllokohet pika Kufitare e Kakavijës, ja arsyeja
25/10 19:45
Top News- Vrasja e dyfishtë në Manzë, gjykata vendos për katër të arrestuarit
25/10 17:00
Top News- Vodhën biçikleta e monopatina/ Dy të arrestuar në Tiranë, njëri minoren
25/10 15:50
Top News- 130 monopatina të bllokuara në 24 orë/ Tiranë, rrugorja gjobit dhe 77 shoferë
25/10 15:49
Top Channel/ Greva e urisë së naftëtarëve: Nuk tërhiqemi! 11 ditë protestë, gjendja jo e mirë
25/10 15:18
Top Channel/ Kodi Penal do ndryshojë / Ministria e Drejtësisë kërkon ndryshimin e ligjit të vjetër
25/10 15:17
Top Channel/Policia në gjykata? Duhet ndryshuar ligji,oficerët e rendit kontrolle jashtë ndërtesave
25/10 15:16
Top News- Gomone me drogë nga Shqipëria/ Greqi, skafisti lëshoi sinjalin ‘Sos’ se rrezikoi mbytjen
25/10 15:00
Top News- Merr fund arratia e dy të dënuarve/ Arrestohen në Vlorë, në kërkim për kultivim droge
25/10 14:45
Top News- Fundoset grupi i trafikantëve/ Zbulohet rrjeti i sofistikuar i bandës shqiptaro-bullgare
25/10 13:45
Top News- Kapet hajduti i bizhuterive/ Pranga 24-vjeçarit, vodhi një banesë në Ishull Shëngjin
25/10 13:20
Top Channel/ Të shpëtuar nga dashuria! Po shërohet 7-vjeçari që humbi dy motrat
25/10 12:40
Top Channel/ Garë për të shpikur dhëmbë njerëzorë! Qëllimi, për të zëvendësuar të dëmtuarit
25/10 12:31
Top Channel/ Flamingot e Pogradecit! Shpendët janë ndalur në liqen gjatë rrugëtimit të tyre migrator
25/10 12:29
BILETA Portokalli - Bileta