Gjykata e Lezhës ka sekuestruar 9 pasuri që i përkasin shtetasit Gjovalin Kozhuta dhe familjarëve të tij. Sipas Prokurorisë së Lezhës, bëhet me dije se pasuritë në emër të Kozhutës dhe familjarëve të tij, dyshohet se janë vendosur në rrugë jo ligjore dhe kanë burim prodhimin dhe shitjen e narkotikëve. Kozhuta rezulton i dënuar nga autoritetet angleze për veprën penale “Prodhimi dhe shitja e narkotikëve.” Ai po ashtu është duke u hetuar edhe në Shqipëri për veprën penale “Pastrimi i produkteve të veprës penale, ose veprimtarisë kriminale”. Sipas prokurorisë së Lezhës këto pasuri dyshohen se janë krijuar nga veprimtaria kriminale. Pasuritë e sekuestruara përllogariten se kapin një vlerë prej 500.000 euro. Nën sekuestro janë vënë 480 m2 tokë në Lezhë, katër apartamente në Lezhë apartamente, një sipërfaqe toke në Vlorë dhe një apartament në Tiranë si dhe një automjet tip Mercedez Benz, tip ML.