Kreu i PD Sali Berisha gjatë takimit përmbyllës në Vlorë tha se më 11 maj do të votohet kundër regjimit të Edi Ramës, që boshatisi më shumë se kushdo tjetër Shqipërinë. Berisha tha se është zotuar para Ismail Qemalit se do ta largojë Ramën. Edi Rama të ardhme nuk ka. Tani do u rrëfej një gjë. Jam këtu në këtë shesh, kur erdha në Vlorë, që nisa lëvizjen, unë para Ismail Qemalit kam bërë një betim. Jam betuar para tij se këtë tradhtar do e largoj nga Shqipëria. Do e çoj në Beograd. Do e bëj këtë për Ismail Qemalin. Do e bëj këtë për cdo shqiptar. Do e bëj këtë për Vlorën. Do e bëj këtë për Shqipërinë. Edi Rama, je në rreth të kuq. Fundi të pret. Më herët kreu demokrat Berisha ishte në takimin elektoral në Fier ku premtoi rikthimin e të rinjve në atdhe. Kombi ka humbur rininë, kombi ka humbur moshën e rinisë. 600 mijë të rinj u larguan në 10 vite. Mos harroni! Çfarëdo që të jeni, demokratë, socialistë, të paparti, mos harroni se, sot ne takohemi njëri me tjetrin duke qenë kombi me lindëshmërinë më të ulët në botë, për shkak të emigracionit. Çfarë do të thotë kjo? Kjo do të thotë se, duhet të bëjmë çdo gjë për t’i rikthyer të ardhmen këtij vendi, për të rikthyer rininë. Qyetarë dhe qytetare të Fierit, atdhetarë, patriotë, me këtë program, ne do kthejmë qindra e mijëra shqiptarë që morën rrugët e dheut këto 10 vite.