Në aeroportin ndërkombëtar “Nënë Tereza” në Tiranë ka patur tensione të vazhdueshme gjatë ditës së sotme. Shkak është bërë anulimi i fluturimeve nga kompania “Fly Ernest”. Me dhjetëra qytetarë kanë prerë biletat me këtë kompani, por ajo nuk lejohet të ulet në aeroport për shkak se i është pezulluar licenca. Autoriteti i Aviacionit Civil i pezulloi licencën, më 29 dhjetor, Fly Ernest për shkak se kishte detyrime në gjoba dhe tarifa të akumuluara në Itali. Por pavarësisht pezullimit, Fly Ernest nuk anuloi biletat që ishin prerë deri më datë 13 janar, ndërkohë që këta qytetarë nuk mund të udhëtojnë dot tani për shkak se kompanisë nuk i lejohet fluturimi. E gjithë kjo situatë ka krijuar kaos sot në aeroport, me qytetarët që po përplasen me forcat e sigursë. Asnjë zgjidhje nuk po u jepet atyre për lekët që kanë shpenzuar dhe as për afat që i presin në shtetet ku jetojnë.