Një rrëfim ekskluziv i ish- bashkëshortit të Parashqevi Simakut, Robert Nolfe për Top Story. Pas rigjetjes, teksa jetonte si e pastrehë pranë stacionit të metrosë në Nju Jork, ku priste prej vitesh të birin, Parashqevi Simaku shfaqet e kuruar sërish, edhe pse me më shumë vite mbi supe, ajo ka të njëjtin sharm e buzëqeshje si atëherë, teksa i rikëndon këngët e saj ikonike. Përtej pamjes fizike, sfidë për artisten shqiptare mbetet kurimi i shpirtit për ta rikthyer në normalitet, në atë normalitetin e një njeriu që brenda vetes fle prej vitesh zëri i artistit. Ajo që i shëron shpirtin Parashqevi Simakut është rilidhja me djalin, që prej vitesh e priste në stacion. Shpresa e saj është që njerëzit e dashur që janë çlirimi shpirtëror I Parashqevisë, të jenë afër saj. Shumë prej nesh presin rikthimin e Parashqevisë në magjinë e skenës, me admirimin e dikurshëm.