Stuhia “Medea” e shoqëruar me dëborë, erë, temperatura të ulëta dhe ngrica e cila ka pushtuar territorin e Greqisë, për pasojë rruga nacionale Athinë-Lamia është bllokuar dhe është ndaluar qarkullimi i automjeteve. Autoritetet i kanë bërë apel publikut të kufizojë lëvizjet jashtë, me përjashtim të rasteve të domosdoshme, ndërsa autostrada kryesore që nga Athina të çon në veri, është mbyllur për shkak të borës së rënë. Temperaturat në disa pjesë të Kozanit, në Greqinë veriore, ranë deri në -20 gradë celsius ndërsa një erë e fortë është përplasur mbi ishujt grekë, me shpejtësinë që arrinte deri në 120 km në orë. Reshje të mëdha bore janë parashikuar në Greqinë qendrore, jugore dhe lindore gjatë të martës, përfshirë kryeqytetin grek dhe ishullin jugor të Kretës. Ndërsa bora është e zakonshme në veriun e Greqisë, gjatë dimrit, ajo është e rrallë në ishuj dhe në Athinë. Sidoqoftë, fëmijët janë ata që po e shijojnë në maksimum situatën e krijuar. Temperaturat kanë arritur në disa zona si Kastoria deri në -20 gradë, duke vijuar me Neos Kavkasos (-17,1), Lugina e Kozanit (-15,9), Vounasa Grevena (-14,4), Terpillos Kilkis (-14,2), Florina (-13,7) dhe Efkarpia (-13). Në videon e mësipërme do të shihni pamje nga Athina ‘nën pushtetin’ e dëborës.