Prej dy javësh 110 ha siperfaqe e mbjellë me grurë dhe jonxhë është e përmbytur. Banorët e këtyre dy fshatrave pohojnë se ujërat qëndrojnë në këto toka disa javë. Bllokimi i kanaleve kullues ka sjellë këtë situatë që shihni në pamjet me dron. Moti i keq me reshje të shumta dhe me ngrica nuk po favorizon prodhuesit. Ata i tremben kalbëzimit të të mbjellave, ndaj kërkojnë ndërhyrje urgjente për pastrimin e kanaleve. Disa prej tyre, të mërzitur me situatën që përsëritet çdo sezon shirash,tokat i kultivojnë vetëm në sezonin veror. Niveli i ujërave po bie ngadalë, për shkak të mungesës së kanaleve kullues. Rrjeti që rrethon tokat bujqësore është i gjithi i bllokuar duke i kthyer këto zona eë kënetore. Dëmet në të mbjella janë të shumta, dhe deri tani nuk është marrë asnjë masë nga bashkia dhe bordi kullues për largimin e ujërave.