Pensionet private vullnetare janë një alternativë për të patur të ardhura shtesë veç pensionit të garantuar shtetëror me skemën e Institutit të Sigurimeve Shoqërore. Pavarësisht rritjes që vërehet vitet e fundit, sektori i pensioneve private vullnetare në Shqipëri mbetet modest, dhe është pak i zhvilluar edhe pse vitin e fundit, rritja e numrit të anëtarëve ishte 20%. Zgjerimi i këtij sektori synohet të bëhet përmes ndryshimeve të reja ligjore që janë propozuar nga Ministria e Financave dhe AMF që është përgjegjës për mbikëqyjen e këtij tregu. Kjo do të thotë që çdo para që merret nga fondi privat i pensionit taksohet në bazë të ligjit për të ardhurat personale. Sipas propozimeve, përfitimet nga pensioni privat mund të nisin vetëm 5 vjet para moshës që parashikohet për daljen në pension në skemën e detyrueshme shtetërore. Ndërkohë që përfitues janë dhe familjarët e kontribuesit në rast vdekjeje të parakohshme. Në tregun e pensioneve private vullnetare në Shqipëri ushtrojnë aktivitein e tyre 3 fonde pensioni. Anëtarët para se të bëhen pjesë duhet të informohen qartë për peëdorimin e fondeve dhe rreziqet e mundshme, ndërkohë që AMF thotë se mbi 95% e fondeve të pensioneve private në Shqipëri investohen në borxh qeveritar.