Komisioni Qendror i Zgjedhjeve bëri publike ndarjen e fondeve për partitë politike për vitin 2021 që përkon me një vit elektoral. Bazuar në vendet e fituara në parlament zgjedhjet e shkuara PS, PD dhe LSI janë përfitueset më të mëdha të këtij fondi. Partia Socialiste e Shqipërisë 74 vende 51.982.780 lekë Partia Demokratike 43 vende 30.206.210 lekë Lëvizja Socialiste për Integrim 19 vende 13.346.930 lekë Partia për Drejtësi, Integrim dhe Unitet 3 vende 2.107.410 lekë Partia Socialdemokrate e Shqipërisë 1 vend 702.470 lekë Tre janë burimet legjitime të financimit të partive politike. Pagesat mujore të kuotave të anëtarësisë, fondet e dhëna nga KQZ si dhe donacionet. Por shpenzimet në fushatat elektorale janë shumë herë më të mëdha krahasuar me fondet legjitime në dispozicion. Por si i sigurojnë partitë politike milionat e përdoruara për organizimin e mitingjeve elektorale? Analisti Agron Gjekmarkaj thotë se shpenzimet më të mëdha dhe burimin më të madh të parave i ka qeveria dhe sipas tij janë opozitat janë të disfavorizuara pasi paraja shkon për partia në pushtet. Gjekmarkaj: Ta shohim nëse kësaj here do të ketë më shumë para në drejtim të opozitës dhe nëse do të ketë më shumë para është ndjesia që kanë për ndryshimin e pushtetit. Problemi më I madh i lidhjes të krimit të organizuar ka qenë ajo që është shfaqur në organizatën e Rilindjes tek Edi Rama i cipi pat njerëzit e krimit edhe në parlament po ashtu pushtetin lokal dhe paratë e tyre i pat në shërbim. Tani mbase ata për arsye të ligjit të dekriminalizimit do të bëjnë një hap pas por dot të nxjerrin njerëz të tjerë nga pikëpamja financiare dhe paraja e krimit të organizuar është kontributore tek organizata e Rilindjes. Ndërsa analisti Neritan Sejami shpjegon garën mes biznesit dhe parave të krimit drejt partive politike. Semamini: Ajo është e rëndësishme për të thënë është se këto para vinë për të blerë mbështetje politike sepse edhe biznesmenët qofshin të ndershëm kur paguajnë nën dorë partitë politike nuk i paguajnë për hir të demokracisë nuk i paguajnë për të respektuar ligjin nuk i paguajnë se kanë dëshirë për konkurrencë të ndershme por për të marrë favore nëse kjo parti vjen në pushtet. Neritan Sejamini lë të kuptohet se ka një pakt të heshtur nga të gjitha partitë politike kur vjen puna tek financimet, prandaj nuk ka edhe ndëshkim. Sejamini: Të gjithë e dinë se pse partitë politike shpenzojnë më shumë se sa janë burimet e tyre të deklaruara pra burimet e ligjshme dhe të gjithë bëjnë sikur nuk e kuptojnë këtë problem. Nuk ka patur absolutisht asnjëherë një hetim për partitë politike. Pra ke parti politike që flasin kundra krimit dhe korrupsionit, parti në opozitë që kritikojnë partitë në qeveri pastaj qeveritë dalin në opozitë dhe kritikojnë por vetë janë të përfshira në këtë dukuri.