EBLA, agjencia e parë e edukimit ndërkombëtar në Shqipëri në një rrugëtim arsimor 21 vjeçar të suksesshëm organizon për dy ditë panairin internacional të edukimit. “Në këtë panair kanë mundësi të marrin informacione të gjithë studentët, nxënësit e 9-vjeçares, prindërit , profesionistët, ata që kanë mbaruar një program studimi dhe që janë në marrëdhënie pune kanë mundësi të aplikojnë për programe fantastike studimi dhe punësimi në Australi, Kanada, USA e gjithë Europën . Kjo është një mundësi unike sepse ekspertët e edukimi partnerët e përfaqësuesit e këtyre 25 universiteteve dhe kolegjeve do të jenë të gjitha në Shqipëri në Hotel Plaza në datë 26 dhe 27 tetor. Gjithashtu, një pikë e rëndësishme është se këtë panair e organizon EBLA, Educational Business Links Albania e cila numëron mbi 3500 histori suksesi në këto 21 vjet eksperiencë. Hyrja është falas kështu që ejani dhe merrni informacionin e dëshiruar”, u shpreh Entela Çela-Drejtoresha ekzekutive e qendrës EBLA. Vëmendja e EBLA është fokusuar tek një ardhme e sigurt për ju. Pas përfundimit të studimeve jashtë Shqipërisë, mundësitë për t’u punësuar janë të shumta. “Ne kemi shumë studentë shqiptarë në Kolegjin Georgian në Kanada. Dëshira për të ardhur është e madhe, sepse studentët pas diplomimit marrin orientimin e duhur e aplikojnë për punë dhe bëhen të suksesshëm në profesionin e tyre”. E interesi që shfaqin për panairin është I jashtëzakonshëm, ku ka mbi 2500 studentë të regjistruar. “Kemi ardhur posacërisht nga Shkodra për këtë aktivitet. Mundësitë që ofron EBLA janë shumë të favorshme për ne. Na ndihmon për të bërë zgjedhjen e duhur”. E për të gjithë ata që nuk do mund të marrin pjesë këtë fundjave në aktivitet, EBLA ka një ftesë për ju. “Zyrat tona me ekspertët më të mirë ju mirëpresin”.