Ai që njihet si Newseum, një monument i shndritshëm i mediave të lajmeve, pak larg ndërtesës së kongresit amerikan, në Uashington, do të mbyllë dyert më 31 dhjetor, në një lëvizje që reflekton telashet e industrisë së medias, që është përballur me vështirësi financiare përballë sulmeve të përsëritura të liderëve politikë. “Më shumë se 10 milionë vizitorë kanë ardhur në Newseum. Pjesa më e madhe e tyre kanë qenë nxënës shkollash që shikonin dhe ndërvepronin me gjëra si Muri i Berlinit dhe mësonin për luftën e ftohtë ose 11 shtatorin”. Newseum u hap 20 vite më parë si një ide e themeluesit të tij, Al Neuharth, për të edukuar dhe mbajtur debate për amendamentin e parë të kushtetutës amerikane dhe për misionin e gazetarisë. Muzeu fillimisht ishte hapur në Rosslyn të Virxhinias, por pas një dekade, ai u transferua në Uashington. Miliona dollarë u shpenzuan për të blerë tokën dhe për të ndërtuar godinën. Ëndrra ambicioze që u realizuan për 20 vite, por që tani, janë të papërballueshme. E ardhmja e newseum është e paqartë. Do të duhen të paktën gjashtë muaj për të cinstaluar ekspozitat dhe për ti zhvendosur ato në magazina. Pasi ky proces të ketë përfunduar, atëherë do të mendohet për të ardhmen.