“Nostalgji”, rubrika më e re në kanalin e Top Channel Albania e cila do ju shoqërojë çdo të martë në orën 16:00, Premierë e ku do ju risjellim ndër vite prodhime të Top Channel. Moikom Zeqo një ndër zërat më të rëndësishëm të kulturës kombëtare, u nda sot nga jeta pas një sëmundje të rëndë, në një intervistë të thellë me gazetarit Adi Krasta në vitin 2010, flet dijen, pasionin për letërsinë, për kulturën shqiptare, për historiografinë shqiptare që vazhdon të mbetet në një nivel klientelist. Moikom Zeqo beson se shtetet e zhvilluara krijohen nga erudicioni dhe nga dija e thellë dhe është I bindur që universitetet e thella janë thelbi I njerëzimit. Për historinë e partive politike shqiptare pas vitit 1990, Moikom Zeqo deklaron se të gjitha partite politike shqiptare dolën nga Partia e Punës. Kurse për faktin që nuk është vlerësuar asnjëherë me një çmim, Moikom Zeqo pëdor një shprehje të Xhejms Xhojsit: “Shkrimtari I vërtetë nuk e merr vlerësimin kur është gjallë, por kur nuk jeton më”.