Nga kjo e hënë mbi 121 mijë studentë në të gjithë vendin nisën vitin e tyre e tyre akademik. Auditoret e fakultetit të mjekësisë të hënën ishin të zbrazura, jo nga mungesa e studentëve por nga vijimi i bojkotit të tyre kundër ligjit të sapomiratuar, që u kërkon punësimin e tyre të detyruar deri në 5 vjet pas përfundimit të studimeve. Qeveria është e bindur se përmes kësaj mase frenuese do të kufizojë eksodin e mjëkëve që po largohen masivisht nga Shqipëria, teksa për studentët e mjëkësisë vendimarrje e Ministrisë së Arsimit është absurde dhe jashtë çdo logjike juridike, duke paralajmëruar që njëkohësisht me bojkotin t'i drejtohen Gjykatës Kushtetuese për rrëzimin e ligjit. Pavarësisht pretendimit të studentëve, qeveria pretendon se qëllimi i nismës lidhet me plotësimin sa më parë të nevojave për mjekë që ka vendi si dhe sigurimin e ofrimit te shërbimit shëndetësor për periudhat ne vijim.