Manastirliu: Brenda vitit do rindërtohen 10 qendra shëndetësore dhe ambulanca në bashkinë e Tiranës

“Më shumë se 40 mijë receta me rimbursim kanë marrë falas pacientët kronikë në këto muaj të epidemisë së COVID19 në vendin tonë, krahasuar me të njëjtën periudhë të një viti më parë”, u shpreh ministrja e Shëndetësisë dhe Mbrojtjes Sociale, Ogerta Manastirliu. Nga qendra shëndetësore nr. 1 në Tiranë, Manastirliu deklaroi se asnjë pacient kronik nuk ka mbetur pa shërbim mjekësor, falë punës së mjekëve të familjes dhe organizimit të sistemit shëndetësor, pavarësisht përballjes së vështirë me COVID19.