Vladimir Putin nisi konfliktin më të madh të armatosur në Europë që prej Luftës së Dytë Botërore me pretendimin se Ukraina moderne dhe e prirur drejt perëndimit, përbën një kërcënim për vendin e tij, dhe se Rusia nuk mund të ndihej e “sigurtë, të zhvillohej e të ekzistonte”. Lëvizjet e Kievit drejt NATO-s duket se e mbushën kupën e durimit rus, dhe në 24 shkurt, nisi ofensiva brutale e Moskës. Pushtimi i Ukrainës alarmoi edhe dy vende nordike, Finlandën e Suedinë, që të trembura nga kërcënimi një fqinji të madh e agresiv si Rusia, vendosën të dorëzonin kërkesën zyrtare për anëtarësim në NATO. Moska i ka paralajmëruar se bashkimi me aleancën që ajo e sheh si rrezik në kufijtë e saj, do të sjellë pasoja. Cfarë do të thotë e gjithë kjo? Zgjerimi i NATO-s do ta bëjë Europën në një vend më të sigurtë, apo më të rrezikshëm?