I ftuar; David Dreshaj, këngëtar Para pak ditësh, David Dreshaj ka publikuar “Ama Zemrën” një bashkëpunim me Elinel. Kënga është kthyer në HIT, numëron 2 milion klikime në pak ditë. Është kthyer në trend në Tik Tok si edhe është futur shumë shpejt në klasifikimin e “The Top List”… Pak ditë më parë, një gazetare britanike e “Financial Times”, shkruajti një reportazh për Bajram Currin. “Nga rreth 13 mijë shqiptarët që erdhën me gomone në Britani në vitin 2022, shumica ishin nga ky qytet”,- niste shkrimi. Por, teksa shumë shqiptarë zgjedhin për t’u larguar nga vendi, ka edhe shumë të huaj që po vijnë në Shqipëri. Ata janë shqiptarët e rinj. Vijnë nga destinacione të ndryshme, deri nga Australia, i bashkon gjuha shqipe dhe dashuria për Shqipërinë. Të ftuar; -Alexandra Lewis (nga Australia) -Olena Salashna (shqiptohet Ollena Sallashna, nga Ukraina) -Konstantinos Giakoumis (nga Greqia) -Elias Mazloum (nga Libani) I ftuar; Ledri Vula, këngëtar Albumi më i fundit nga Ledri Vula, "1 G.O.A.T për ty” përmban 14 këngë, nga të cilat 6 bashkëpunime. Ledri ka zgjedhur të bashkëpunojë për këtë album me Mc Kresha, Lyrical Son, Mozzik, Vig Poppa, Lumi B, Buta dhe Capital T. Bazuar në këngët e albumit të tij të ri, kemi edhe disa pyetje të cilave Ledri duhet t’u përgjigjet, pa u menduar gjatë! Stand Up Comedy Javën e shkuar ju prezantuam me çerefinalistët që do të jenë në garë për çmimin e madh prej 10.000 eurosh. Tre prej tyre vijnë sonte për të garuar dhe për të eliminuar njëri-tjetrin. Ju do të keni mundësi përgjatë gjithë javës që t’i votoni me SMS, nga Shqipëria në numrin 56666 dhe nga Kosova në numrin 55099. Më i votuari nga të tre, do të jetë gjysmëfinalist, ndaj, votoni, votoni për të preferuarin tuaj… Konkurrentët e mbrëmjes së sotme; -Mikel Lemnusha -Timoleon Gjikopulli -Mario Shitka