Infermiere nga Ballkani – Një biznes i majmë për ndërmjetësit
12/01/2020 11:23

Klinikat gjermane paguajnë deri në 15.000 euro për të sjellë një infermiere nga Ballkani Perëndimor. Një biznes i majmë për ndërmjetësit, dhe ajo që bëjnë disa, është thuajse tregti me njerëz. Ishte një punë e paguar mirë, por disi e pazakontë ajo që bënte para dy vjetësh Nevena Pejiq (emri i ndryshuar), në hotelin “Slavija” në qendër të Beogradit. Hoteli kishte më shumë njerëz se zakonisht, disa dhoma ishin shndërruar nxitimthi në klasa mësimi. Më shumë se njëqind njerëz rrinin pas perdeve të rënda dhe mësonin në mëngjes dhe pasdite gjermanisht. Nevena i mësonte ata. Njerëzve iu premtohej një vend pune në Gjermani, sapo ta zotëronin në mënyrë të mjaftueshme gjuhën. “Akomodimi në ‘Slavija” ishte i paguar, ashtu si edhe ushqimi, madje ata merrnin edhe ca para”, kujton Pejiq. Agjencia e ndërmjetësimit Artigum Management bënte reklamë duke deklaruar se i përkiste një “punëdhënësi gjerman”. Për këtë arsye shumë njerëz kishin ardhur në Serbi edhe nga vendet fqinje të Ballkanit, për shembull nga Maqedonia e Veriut apo nga Bosnja. Synimi: të arrinin brenda katër muajve nivelin gjuhësor B2, që nevojitet normalisht për të marrë një vend pune në Gjermani. Një mision pothuajse i pamundur, thotë mësuesja. “Shumë e kanë ndërprenë, sepse synimi ishte shumë i vështirë për t’u arritur”, thotë ajo. “Disa janë ankuar duke thënë se ishin mashtruar nga agjencia, se kishin lënë familjet në shtëpi dhe i kishin investuar të gjitha shpresat te kjo këtu”. Ky është vetëm një nga shembujt e panumërt nga “industria e emigracionit”: Një industri që lindi në njërën anë nga mjerimi në Ballkan dhe në anën tjetër nga nevoja e madhe gjermane për punonjës të profesioneve mjekësore. Prej vitesh agjencitë e ndërmjetësimit dhe ndërmjetësit e tyre rendin në kërkim të punonjësve nga Ballkani Perëndimor dhe favoreve nga klinikat dhe azilet gjermane, të cilat ofrojnë shpërblime të majme për ndërmjetësimin. Kërkohen dëshpërimisht infermierë Agjencia gjermane e punësimit kohët e fundit numëronte në sektorin e mjekësisë gjithsej 50.000 qytetarë nga gjashtë vende të Ballkanit Perëndimor (Serbia, Bosnje-Hercegovina, Shqipëria, Kosova, Maqedonia e Veriut, Mali i Zi). Rreth 6.500 më shumë sesa një vit më parë. Për të lehtësuar të paktën nevojën në këtë vend – sipas parashikimeve brenda pesë vitesh në Gjermani do të mungojnë rreth 200.000 infermierë dhe sanitarë. “Nuk ka më kuptim të nxjerrësh njoftime me kërkesa për këto vende pune në Gjermani. Askush nuk përgjigjet”, thotë shefi i kuadrit të një zinxhiri të madh të azileve të pleqve, që ofron hapësirë​ banimi për më shumë se 7.000 të moshuar. Ata janë tani gati t’u paguajnë ndërmjetësuesve rreth 10.000 euro për gjetjen e një infermieri. Kjo firmë e anulloi intervistën, që kishte planifikuar të bënte me DW, pak para se të zhvillohej. Ata nuk janë të vetmit, që s‘duan ta diskutojnë këtë temë në publik. Shumë ndërmjetës thonë se marrin deri në 15.000 euro për një infermiere, që e sjellin nga Ballkani në Gjermani. Kjo shumë ndahet me shkollat ​​e gjuhës dhe rekrutuesit në vend. Vlerësohet se kjo industri nxjerr disa qindra milion euro në vit dhe në shumicën e rasteve vështirë se ndjehet e lidhur me ndonjë rregull. “Për mua kjo është tregti me njerëz” Në një zyrë të vogël në periferi të Këlnit, Kay Simon buzëqesh i lodhur, kur dëgjon histori të tilla. Ai është drejtuesi i agjencisë së ndërmjetësimit IPP Health, një nga më të mëdhatë, që rekrutojnë në Ballkan. “Fillimi në Gjermani është mjaft i vështirë. Aq më i vështirë bëhet, kur një agjenci u premton diçka jorealiste njerëzve.” Premtimet e zakonshme, thotë Simon, janë ato për paga të majme – këtu pagat bruto dhe neto ngatërrohen qëllimisht. Ose përhapen përralla se punonjësi mund të marrë me vete menjëherë tërë familjen. “Pastaj vijnë në Gjermani … është ftohtë, bie shi, familja është larg, paratë nuk janë sa duhet. Atëherë njerëzit janë shumë të trishtuar”, thotë Simon. “Nuk bën t`i largosh njerëzit nga vendi i tyre me premtime të rreme për t’i çuar në Gjermani. Për mua, ky është trafik me njerëz.” Një tjetër ndërmjetës, i cili nuk dëshiron ta lexojë emrin e vet në shtyp, pranon se rekruton personelin brenda klinikave në Ballkan. Për ta bërë këtë, ai bashkëpunon me disa infermiere. “Ato më telefonojnë dhe thonë se kanë, për shembull, tri kolege që duan të shkojnë në Gjermani. Nëse funksionon, ata marrin nga unë 300 euro për person.”

Top Channel/ Greqia, krizë demografike: Popullsia, plakje e “frikshme”, lindshmëria pikiatë!
29/08 11:06
Top News- Serbia infiltroi KFOR / Partnerja e pilotit kroat, e lidhur me sulmin e Banjskës
29/08 11:05
Top News- Lista Serbe në zgjedhje/ Vetëvendosje ankohet kundër pjesëmarrjes së saj
27/08 13:04
Top News- Sorensen mesazh në Beograd/ Thekson normalizimin e raporteve me Kosovën
27/08 10:52
Top Channel/ “Shpëtoji serbët, Trump”: Vuçiç dhe Dodik kërkojnë ndihmën e presidentit amerikan!
27/08 10:46
Top News- Vuçiç do dialog me Kosovën / Por ka kushte-Të përqëndrohet te Asociacioni
26/08 14:16
Top News- E kundërshtuar nga serbët/ Hapet për qarkullim një nga urat e reja mbi lumin Ibër
26/08 11:38
Top News- ‘Vuçiç është ulur në karrigen e Rusisë’/ Osmani: Kosova, e gatshme të mbrojë veten
25/08 15:08
Top News- Serbia blen aksionet ruse në NIS?! Përpjekje për të dalë nga lista e sanksioneve amerikane
25/08 11:56
Top News – Luftë hibride përmes IA. Rreziku i ekspozimit ndaj manipulimeve teknologjike
24/08 11:06
Top News- Maqedonia e Veriut vendim ‘kundër’ shqiptarëve/ Ul numrin e këshilltarëve komunalë
23/08 22:02
Top Chanel/ BE kritikon Vetëvendosjen, europianët të zhgënjyer me moscertifikimin e listës serbe
23/08 12:15
Top News- Greqi, krim brutal në familje/ 40-vjeçari shqiptar vr*t gruan në sy të 4 fëmijëve
22/08 13:04
Top Channel/ KQZ nuk certifikon listën serbe, reagon ambasada amerikane dhe OSBE
21/08 22:40
Top News- Zgjedhjet lokale pa Listën Serbe/ Misioni i OSBE: Minon pluralizmin demokratik
21/08 22:30
Top News-Lirohen dy vëllezërit e arrestuar në Serbi/ Akuzoheshin për krime lufte së bashku me UÇK-në
21/08 18:30
Top News- Greqia, distancohet nga Ukraina/ Zëdhënësi i qeverisë: Jo trupa paqeruajtëse
21/08 13:16
Top News- Dhunë masive në Serbi, Vuçiç nuk bën pas, reagon BE
21/08 11:28
Top News- OSBE thirrje Vuçiç: Ndalo dhunën/ Kërkohet dialog pas zgjerimit të protestave në Serbi
20/08 10:46
Top News – Serbia armatoset nga Izraeli. 1.63 mld dollarë armatime, dronë e raketa precise
19/08 20:30