Haradinaj: Nuk kemi nevojë për një mini-shengen me kryeqytet Serbinë
21/12/2019 19:22

Kryeministri në detyrë Ramush Haradinaj, ka deklaruar se Kosova nuk ka nevojë për një mini-shengen që kryeqytet e ka Serbinë, derisa ka theksuar se krejt ideja e mini-shengenit është heqja e taksës që Kosova i ka vendosur produkteve që importohen nga Serbia. Sot kur në Tiranë po mbahet takimi i tretë i vendeve të Ballkanit Perëndimor, Haradinaj tha se përderisa Kosova nuk njihet nga Serbia dhe mohohet masakra e Reçakut, iu mbetet t’iu thonë puna e mbarë pa ne. “Të gjitha vendet e Ballkanjt Perëndimor, pra 6 që ka mbetur pa u anëtarësuar në BE, ne kemi marrëdhënie kontraktuale me BE-në. Pra, secili vend ka kontratë me BE-në, Kosova e ka MSA-në dhe ne duhet me iu fokusua MSA-së. Pra, nuk kemi nevojë për një mini-shengen me kryeqytet Serbinë ose lider Serbinë të mini-shengenit tonë. Jemi të interesuar për shengen në këtë rast, për BE-në. Kosova është vend euroatlantik, pra kjo është perspektiva e jonë. Hetohet që krejt kjo bëhet në njëfarë mënyre me na e heq taksën, është një byepas për me e heq taksën. Krejt mini-shengeni vetëm një qëllim e ka, një sukses nëse kish mujt me e heq taksën. Pra, edhe nervozat që i kanë këto ditët e fundit pikërisht për atë vijnë, se po iu bien në ujë këto zhvillime”, tha ai. Kryeministri në detyrë Ramush Haradinaj, rreth asaj se takimi po mbahet në Tiranë tha se kryeministri i Shqipërisë, Edi Rama është vëllai i tij, por që tha se nuk ka pasur qare pa dal kundër ndarjes së Kosovës. “Nuk janë të këqija, shikoni tash unë disa herë e kam përsëritur që Edi Rama është vëllai im, ai është shqiptar, jam shqiptar, të majtën e të djathtën në Shqipëri janë vëllezërit e motrat e mi. Unë nuk kam pas qare pa dal kundër ndarjes, jo për inati të njërit prej nesh as në Kosovë, as në Shqipëri, por kam dal kundër ndarjes. Sikurse e dini Trepça është Kosovë, nuk po na e konteston më kurrkush mbi këtë dhe, a keni dëgjuar dikë duke thënë më që Trepça është e dikujt tjetër pos e Kosovës, pavarësia energjetike ka ndodhur, pra kemi mundur të nënshkruajmë marrëdhënie kontraktuale tash me Shqipërinë për unifikim të tregut, kemi ushtrinë dhe po, kemi edhe taksën, po taksa është kundërvlerë për njohje. Kur të na njeh Serbia ne i hapim dyert për takime bilaterale e trilaterale, po me qëndrime mohuese të Serbisë deri edhe në mohim të masakrës së Recakut nuk na mbetet rrugë tjetër pos me iu thënë puna e mbarë pa ne”, u shpreh Haradinaj. Rreth deklaratës së kryeministrit të Shqipërisë, Edi Rama, se nëse kryeministri Haradinaj do të dëgjonte presidentin francez Emmanuel Makron për të hequr taksën tash Kosova do të kishte liberalizim të vizave, Haradinaj tha se nëse i dhimbsen kosovarët, Edi Rama të largojë taksën e vendosur në rrugën e kombit. “Pasi Ramës po i dhimben kosovarët t’ua heq qatë taksën e Kukësit dhe atëherë i kishim besua edhe në të tjera”, tha ai. Kujtojmë se sot në Tiranë po mbahet takimi i tretë i vendeve të Ballkanit Perëndimor që do të diskutojnë projektin e “MiniShengenit Ballkanik”. Në këtë takim në Tiranë po marrin pjesë liderët e Maqedonisë së Veriut, Malit të Zi dhe Serbisë, ndërsa mungon Kosova e ka refuzuar ftesën për të marrë pjesë në këtë takim./M.Duraku/ Kosovapress

Top News- Arrestohen 4 persona në Kosovë/ Mes tyre një kolonel, Sveçla: Të pastrohet policia
05/08 12:56
Top Channel/ Kosova pa institucione, Arifi: Dështime në rritjen e njohjeve dhe anëtarësimeve
05/08 12:06
Top News- Gjendet i groposur në Lipjan/ Familjarët e kishin raportuar viktimën të zhdukur
05/08 10:18
Top Channel/ Kosova pa institucione, analisti Arifi: Dështime edhe në …
04/08 19:56
Top Channel/Jehona e Dua Lipës/BBC dhe The Guardian shkruajnë për marrjen e nënshtetësisë së Kosovës
03/08 11:58
Top Channel/ BE i jep 2 mln euro Kosovës. Bislimi: Fondet për projekte në energji dhe dixhitalizim
02/08 22:44
Top Channel/ Kosova në NATO me ndihmën e SHBA? Osmani kërkon ndihmë nga Baker
02/08 21:29
Top News/ Zyrtari amerikan në Kosovë. Baker, takim me Vjosa Osmanin dhe shefin e KFOR-it
02/08 19:41
Top Channel/ Dhunohet deputeti në Kosovë, Adem Hoxha dhe familja e tij u sulmuan gjatë një tubimi
02/08 19:35
Top News – Reformë apo përplasje e brendshme? Pse nuk rikandidojnë kryetarët aktualë të PDK dhe LDK
02/08 14:26
Top Channel/ Kurti: Serbia nuk ndalet. Ja dy rastet kur tentuan destabilizimin e Kosovës
01/08 22:21
Top Channel/ Kosova i heq tarifat SHBA, nga sot prodhimet amerikane do hyjnë në Kosovë me 0% taksë
01/08 15:28
Top News- ‘Nuk pranojnë humbjen’/ Kurti fajëson opozitën-Po sabotojnë Kuvendin
31/07 21:19
Top Channel/ 15 vite burg për krime lufte, dënohet një serb për eliminimin e tre shqiptarëve
31/07 20:11
Top Channel/ Revoltë për Skënderbeun, reagime të forta pas vandalizmit të shtatores në Prizren
31/07 19:33
Top News- ‘Asnjë shërbim, nëse s’ka adresë’/ Nga 1 gushti qytetarët s’mund të marrin certifikata
31/07 19:06
Top News- Gjenden eshtrat e një të zhdukuri/ Kosovë, vijojnë kërkimet për mbi 1600 të tjerë
31/07 14:56
Top News- Masakrat serbe në Kosovë/ Dënohet me 15 vite burg vra*ësi i civilëve
31/07 14:40
Top News- Kosova në prag krize energjetike/ Zyra e Rregullatorit ‘nuk pranon’ vendimin e Gjykatës
31/07 13:28
Top News – Letër për Osmanin e Kurtin. Bizneset kërkojnë të ndalin ‘katastrofën ekonomike’
30/07 19:37