Top Story vijon në këtë pjesë të dytë trajtimin e serialit të vrasjeve në Tropojën e viteve 1997-2000, një histori që i kushtoi jetën rreth 150 personave. Për herë të parë, në këtë dokumentar shfaqen detaje të pathëna më parë për rolin e Haklajve në furnizimin e Ushtrisë Çlirimtare të Kosovës me armatime, dhe konfliktin që nisi me familjet e tjera për këtë aktivitet. Pse u vra major Ilir Konushevci dhe kush ishin autorët. Vrasja e Azem Hajdarit nga Fatmir Haklaj dhe prapaskenat e takimit mes ish-liderit të lëvizjes së dhjetorit dhe plakut të Haklajve, Muharremit, pak ditë para ekzekutimit. Konfikti me kolonelin Jonuz Hyka dhe hakmarrja që pasoi mes dy familjeve. Në këtë dokumentar, vjen për herë të parë me rrëfim ekskluziv edhe motra tjetër e familjes Aishja.