Çdo të hënë ora 18:00 në kanalin e Youtube të Top Channel, vjen më e zgjeruar rubrika “Fshatrat e Shqipërisë ” me gazetaren Ilnisa Agolli . Çdo javë do të zbulohen dhe hulumtohen potencialet që karakterizon secilin fshat, natyra, agro-përpunimi, blegtoria, bujqësia deri në pasuritë nënujore. Një emision i fokusuar në turizëm dhe agrobiznes, si dhe tek potenciali kulturor dhe historik i fshatrave anë e mbanë Shqipërisë. Gjinari,një fshat turistik që është përcaktuar si perlë e Elbasanit do të jetë ndalesa e rradhës e gazetares Ilnisa Agolli në "Fshatrat e Shqipërisë". Vetëm 25 km larg qytetit, kjo zonë është e rrethuar me pisha të shumta në lartësinë e Bukanikut, i cili është 1800 m mbi nivelin e detit Ajo që e dallon Gjinarin nga fshatrat e tjerë rretheqark, është klima me resurset e veta natyrore. Oksigjeni, relievi malor, mikëpritja e banorëve, ushqimi tradicional dhe produktet bio e kthejnë këtë fshat në preferuain e vizitorëve. Një tjetër e veçantë e fshatit Gjinar, është toleranca fetare, për të cilën rrëfejnë vetë banorët. Specifikisht, rreth historikut të dy emrave që mbartin. Kishat e shumta gjithashtu, janë ato çfarë mund të gjeni në Gjinar. Kryesisht të ndërtuara në mesjetë si ajo e Shën Kollit në Shelcan e pikturuar nga ikonograf Onufri më 1554, deri tek ato të rikonstruktuara në zemër të fshatit.