2205 vajza dhe gra kërkuan urdhëra mbrojtje në gjykata për shkak të dhunës së ushtruar ndaj tyre nga bashkëshortët në vitin 2022. Shifrat alarmante që shfaqin dhunën shumë dimensionale ndaj vajzave dhe grave vijojnë edhe në fillim të këtij viti. Një 29-vjeçare në Dibër tentoi ti jap fund jetës duke u vetëhelmuar, pas dhunës së ushtruar nga bashkëshorti i saj,ky i fundit teksa e shoqëronte për në spital bashkëshorten pa shenjë jetë u aksidentua me makinë dhe më pas u arrestua nga Policia. Një nënë e re 32 vjeçare, sapo doli nga spitali e hodhi foshnjen e saj në ujërat e lumit Kir në Shkodër. Në vitin 2022, 10 gra u vranë! Po çfarë e nxit këtë urrejtje dhe dhunë ndaj grave. Përse vajzave u merret jeta edhe kur ato janë me urdhër mbrojtje? Si mund të bashkëjetojë në të njëjtën ambjent e dhunuara me dhunuesin?