Wake Up/ John Rezaj, “Albanian gangster” i kinemasë amerikane rrëfen famën si aktor

“Albanian Gangster” është filmi që ka përfunduar xhirimet në vitin 2018 dhe deri më tani ka shfaqur premierën e tij në disa vende të Amerikës, si Beverly Hills, Michigan etj, por jo vetëm pasi dhe Kosova dhe Shqipëria janë njohur me këtë premierë muaj më parë. Në rolin kryesor të këtij filmi është shqiptari 47 vjeçar nga Vermoshi, John Rezaj i cili prej 40 vitesh jeton në SHBA. Ai në fakt nuk e ka profesion aktrimin, por është përzgjedhur nga vetë regjisori dhe skenaristi Matthew A. Browon, si karakteri ideal për realizimin e këtij filmi. Shqiptari John Rezaj është në rolin e Leon, një shqiptar që është detyruar të mbijetojë në rrugët e Bronx në New York.